АЛИМЕНТТІК МІНДЕТТЕМЕЛЕРДІ ЕСЕПТЕУ ТУРАЛЫ ҚАЗАҚСТАН РЕСПУБЛИКАСЫ КОНСТИТУЦИЯЛЫҚ СОТЫНЫҢ ҰСТАНЫМДАРЫ

Аннотация

Зерттеу некені, отбасын, аналықты, әке болуды және балалық шақты қорғау туралы конституциялық ережелерді неке бұзылғаннан кейін балаларды асырау бойынша алимент міндеттемелерінің объективі арқылы отбасылық және атқарушы заңнама нормаларында іске асыруды талдауға арналған. Конституциялық Сот екі жыл ішінде алиментті есептеу туралы заңнаманың конституциялылығын бірнеше рет қарастырды. Осыған байланысты ұсынылған зерттеудің мақсаты Қазақстан Республикасы Конституциялық Сотының алименттік құқықтық қатынастарды құқықтық реттеу мәселелеріне ұстанымын талдау болып табылады. Атап айтқанда, конституциялық бақылау органының тұрақты табысы жоқ ата-анадан алимент есептеу туралы ұстанымы зерттеледі. Зерттеу алимент міндеттемелері туралы Қазақстан Репсбуликасының қолданыстағы заңнамасын талдауға, Қазақстандағы және басқа да бірқатар елдердегі отбасылық құқықтық қатынастар проблемаларына арналған ғылыми зерттеулерге, Қазақстан Республикасының мемлекеттік органдары ұсынған статистикаға және инстанция уәкілдерінің есептеріне негізделген. Нәтижелер Конституциялық Соттың алимент міндеттемелері туралы қолданыстағы заңнаманы түзетудегі ұстанымының маңыздылығын анықтады. Тараптардың материалдық және отбасылық жағдайын есепке алу әділдікті сақтаудың маңызды шарты және алиментке міндетті тұлғалардың балаларға қатысты өз міндеттемелерін іске асыруының кепілі болып табылады. Баланы қолдау балалық шақты қорғаудың маңызды құралы ретінде танылғаны маңызды.

Түйін сөздер: балалық шақты қорғау, алимент міндеттемелері, табыс, таза табыс, Конституциялық сот, Конституциялық Соттың ұстанымдары, алимент міндеттемелерін төлеуден жалтару.