ҚАЗАҚСТАН РЕСПУБЛИКАСЫНДАҒЫ СУ ТАСҚЫНДАРЫНЫҢ АЛДЫН АЛУДЫ ҚҰҚЫҚТЫҚ РЕТТЕУ МӘСЕЛЕЛЕРІ
DOI:
https://doi.org/10.26577/JAPJ202511538Аннотация
Бұл мақалада Қазақстан Республикасындағы су тасқындарының алдын алуды құқықтық реттеу мәселелері кешенді түрде қарастырылады. Зерттеу барысында су тасқынына байланысты нормативтік-құқықтық актілердің мазмұны, құқықтық ұғымдардың нақтылығы, мемлекеттік органдар арасындағы өкілеттіктер мен өзара іс-қимыл тетіктері талданды. Сонымен қатар, су тасқыны қаупін азайтуға бағытталған халықаралық тәжірибе мен климаттық бейімделу стратегиялары қарастырылды. Авторлар су тасқындарының әлеуметтік, экономикалық және экологиялық салдарын құқықтық деңгейде басқару үшін тиімді әрі жүйеленген тәсіл қажет екенін алға тартады. Мақалада қолданыстағы заңнаманың жетілмеген тұстары мен институционалдық әлсіздіктер көрсетіліп, оларды шешу жолдары ұсынылады. Атап айтқанда, заңнамалық инвентаризация жүргізу, су нысандары мен гидротехникалық құрылыстардың толық тізімін жасау, сондай-ақ трансшекаралық ынтымақтастықты нығайту ұсынылады. Зерттеу нәтижелері су қауіпсіздігін қамтамасыз етуге және құқықтық саясатты жетілдіруге бағытталған ұсыныстарды қамтиды. Мақала су тасқындарына қарсы ұлттық стратегияны құқықтық тұрғыдан жетілдірудің өзектілігін дәлелдейді.
Ғылыми мақала Қазақстан Республикасы Ғылым және жоғары білім министрлігінің Ғылым комитеті қаржыландыратын AP26193915 Турақты даму жағдайында гидротехникалық құрылыстарды пайдалану мен қауіпсіздігін қамтамасыз етуді құқықтық реттеу жобасын іске асыру мақсатында дайындалды
Кілт сөздер: Су тасқыны, құқықтық реттеу, су қауіпсіздігі, нормативтік-құқықтық актілер, гидротехникалық құрылыстар, климаттық бейімделу.
