ЖОҒАРЫ СОТТЫҢ НОРМАТИВТІК ҚАУЛЫЛАРЫНЫҢ ҚЫЛМЫСТЫҚ ҚҰҚЫҚ САЛАСЫНДАҒЫ ОРНЫ
DOI:
https://doi.org/10.26577/JAPJ2024-111-i3-014Аннотация
Бұл зерттеу Жоғарғы Соттың нормативтік қаулыларының Қазақстандағы қылмыстық-құқықтық практикаға әсері мен маңыздылығын зерттеуге бағытталған. Біздің мақсатымыз-олардың құқық қолдану практикасына әсерін, сондай-ақ ұлттық заңнаманы халықаралық стандарттармен үйлестіруді зерттеу. Зерттеудің негізгі бағыттарының қатарына қаулылардың құқықтық табиғатын теориялық талдау, сондай-ақ тарихи дамуды зерттеу және салыстырмалы құқықтық зерттеулер жатады.
Жұмыстың ғылыми және практикалық маңыздылығы нормативтік қаулылардың сот практикасының біркелкілігіне және құқық қолдану тұрақтылығына қалай әсер ететінін жан-жақты қарастыру болып табылады. Зерттеу әдістемесі мазмұнды талдауды, құқықтық нормаларды түсіндірудің салыстырмалы-құқықтық әдісін, сондай-ақ статистикалық талдауды қамтыды.
Зерттеудің негізгі нәтижелері Жоғарғы Соттың нормативтік қаулылары құқық қолдану практикасын қалыптастыруда және қылмыстық заңның біркелкі және тұрақты түсіндірілуін қамтамасыз етуде маңызды рөл атқаратынын көрсетті. Бұл тұжырымдар құқық қолдану тиімділігін арттыру және адам құқықтарын қорғауға жәрдемдесу үшін қазақстандық заңнаманы одан әрі халықаралық стандарттарға сәйкес келтіру қажеттігін көрсетеді.
Зерттеудің құндылығы қазіргі әдебиеттегі олқылықтардың орнын толтыру және Қазақстанда құқық қолдану практикасын жетілдіру бойынша ұсыныстар беру болып табылады. Зерттеу нәтижелерін практикалық қолдану-бұл судьялардың, адвокаттардың және қылмыстық құқық саласындағы басқа адамдардың оларды пайдалану мүмкіндігі.
Түйін сөздер: Жоғарғы Соттың нормативтік қаулылары, нормативтік құқықтық акт, қылмыстық құқық саласы, құқық институты, нормативтік қаулы түсінігі.
