Ақтау институты және оның күдікті мен айыпталушының құқықтары мен заңды мүдделерін қорғаудағы рөлі

Аңдатпа

Бұл мақалада қылмыстық процесте ақтаудың теориялық аспектілері және күдікті мен айыпталушының құқықтары мен заңды мүдделерін қорғауда ақтаудың рөлі қарастырылады. Қылмыстық процестің процессуалдық қызметінің анықталған бағыттарының бірі ретінде ақтау туралы қорытынды жасалады. Бұл мақалада қылмыстық істер бойынша ақтау институтын қолданудың кейбір мәселелері зерттеледі. Адамды ақтаудың себептері қарастырылады. Ақтау барысында, оның ішінде азаматтық заңнаманың ережелерінен келтірілген зиян үшін өтемақы мөлшерін анықтау мәселелері қозғалады. Сондай-ақ, тәркіленген мүлікті ақталған адамдарға қайтару мәселелері талданады. Құқық қорғау саласында мемлекеттің міндеттерінің бірі – қылмысқа қарсы күрес. Сондықтан, азаматтардың конституциялық құқықтары мен бостандықтарын қылмыстық қол сұғушылықтан қорғау, қылмыстарды ашу және оны жасаған тұлғаны жазалау ғана емес, оларды қорғайтын мемлекеттік атқарушы органдардың конституциялық құқықтары мен бостандықтарын бұзуға жол бермеу маңызды. Мақаланың мақсаты – осы саладағы жинақталған теориялық және тәжірибелік білімге, сондай-ақ қазіргі ҚПК нормаларына сәйкес, қылмыстық iстер бойынша қылмыстық iс жүргiзу заңдарын және құқық қолдану тәжірибесін жетiлдiру жөнiнде ұсыныстар әзiрлеу үшiн кінәсіз, күдіктілер мен айыпталушыларды ақтаудың жүйелiк теориясын әзiрлеу. Зерттеу тақырыбының өзектілігі адамның, жеке тұлғаның және азаматтың құқықтары қоғамдық және мемлекеттік қызметтің түрлі салаларындағы өзгерістердің маңызды факторы болып табылатындығымен айқындалады. Бұл қылмыстық процестің саласына да қатысты, онда олар ең тиімді және сенімді қорғауды қажет етеді. Талдау негізінде автор күдіктінің және айыпталушының құқықтары мен заңды мүдделерін қорғауда ақтаудың рөлі туралы өзекті мәселені анықтайды және күдіктілер мен айыпталушыларға қатысты халықаралық нормаларға талдау жасалады. Түйін сөздер: күдікті, айыпталушы, ақтау институты, қылмыстық процесс, өтемақы.