Алматы қаласының кәмелетке толмағандар арасындағы құқық бұзушылықтың жағдайы

Аңдатпа

Тіпті балалар да заңға тап болуы мүмкін. Бұл жағдай орын алғаннан кейін, бала қылмыстық сот төрелігіне кіреді, оны «кәмелетке толмаған қылмыскер» ретінде санауға болады. Қазақстанда кәмелетке толмаған құқық бұзушылық мәселесі өзекті болып қала беруде. Кәмелетке толмағандар арасындағы құқық бұзушылықтардың зерттеу әдісі ретінде осы мақалада Алматы қаласындағы кәмелетке толмағандар арасындағы құқық бұзушылықтардың статистикасы мен динамикасы пайдаланылады. Авторлар зерттеулерін кәмелетке толмағандар арасындағы қылмыстар санының өңірлер бойынша өсуі немесе төмендеуі туралы негізгі статистикалық мәліметтерден бастайды. Авторлар 2012-2017 жылдар аралығындағы диаграмманы пайдаланып, кәмелетке толмағандар арасындағы құқық бұзушылықтар санының өсуі немесе азаю динамикасын талдап, белгілі бір жылдарда қылмыстың санының өсуінің немесе азаюының негізгі себептерін түсіндіреді. Авторлар сонымен қатар 2012-2016 жж. кәмелетке толмағандардың белгілі бір қылмыс түрін жасаудың кесте түрінде сандық статистикасы берілген және жасөспірімдердің белгілі бір қылмыс түрлерінің жиі жасалатын себептерін талдады. Осы мақалада Алматы қаласының қандай аудандарында кәмелетке толмағандар арасындағы қылмыстардың жиі болып тұратыны, қылмыскердің тұлғасы мен кәмелетке толмағандар арасындағы қылмыстар көбінесе қандай нысанда (мысалы, топтық нысаны) жасалатыны әртүрлі жолдармен талданады. Мақалада кәмелетке толмағандардың қылмыстық жолға түсу себептері, осыған олардың қоршаған ортасы қалай әсер ететіні, сонымен қатар кәмелетке толмағандар арасындағы қылмыстың алдын алу
үшін кейбір сұрақтар қарастырылады.
Түйін сөздер: кәмелетке толмағандардың құқық бұзушылықтары, қылмыстың алдын алу,
кәмелетке толмағандардың құқық бұзушылықтарына қарсы күрес.