Азаматтық қоғамның құқықтық мәдениеті

Аңдатпа

Осы мақала азаматтық қоғамның құқықтық мәдениетін талдауға арналған. Мақаланың мақсаты болып
демократиялық мемлекеттің даму үдерісінде Қазақстан Республикасы құқықтық мәдениетінің құндылықты
бағыттарын бөліп көрсету табылады. Мақалада құқықтық мәдениеттің құрылымы мен оның ерекшеліктерін
түсіну мақсатында бар көзқарастар талданып зерттелген. Одан басқа азаматтық қоғамның қалыптасу үдерісіндегі
құқықтық мәдениеттің қызметтерін қолданудың құндылықтық аспектілері зерттелген. Ғылыми жұмыс құқық
табиғаты, құқықтық мәдениет, азаматтық қоғамды қалыптастыру үдерісіндегі оның құндылықтық бағдарлары
мәселелеріне қатысты қазақстандық және шетелдік авторлардың ғылыми зерттеулері негізінде жазылды.
Түйін сөздер: құқықтық мәдениет, демократиялық мемлекет және оның құндылықтары, азаматтық қоғам,
Қазақстанның құқықтық реформаларының сипаттамасы, «адамның ажырамас құқықтары», адам тұлғасының
абсолюттік құқықтары.