Қазақстан Республикасы мемлекеттік органдары қызметінде транспаренттікті қамтамасыз етудің өзекті мәселелері
Аңдатпа
Осы мақала Қазақстан Республикасы мемлекеттік органдары қызметінде транспаренттікті қамтамасыз етудің өзекті мәселелерін зерттеуге бағытталған. Транспаренттік мемлекеттік органдар қызметінің жоғары тиімділігі мен олардың қоғамға есеп беруінкөрсетеді. Мемлекеттік басқаруда жүргізіліп отырған реформаларға қарамастан ҚР мемлекеттік органдары қызметі толық деңгейде транспа-
рентті бола алмайды. Мемлекеттік органдардың транспаренттігі азаматтық қоғаммен белсенді ара-қатынасы арқылы жүзеге асырылады. Алайда азаматтардың белсендігі төмен деңгейде екендігі байқалады. Осы мақалада қазақстандық қоғамының азаматтық белсенділігін жоғарылатуға бағытталған нақты іс-шараларды ұсынамыз. Транспа-
ренттік институты мемлекеттік қызметкерлердің, лауазымды тұлғалардың және мемлекеттік органдардың жауаптылығын қалыптастыруына әсерін тигізеді. ҚР жалпыға бірдей кіріс туралы декларациясын енгізу қажет деп санаймыз. Сондай-ақ кіріс туралы декларация барлықтарына тиесілі болу керек деп санаймыз.
Түйінсөздер: Транспаренттілік, мемлекеттік органдар, ақпараттың қолжетімділігі, азаматтық қоғам, мәлімет алуға құқық ашықтық.
