МАМАНДАНДЫРЫЛҒАН ТЕРГЕУ БӨЛМЕСІНДЕ ЖАУАП АЛУДЫҢ ТАКТИКАЛЫҚ-ПСИХОЛОГИЯЛЫҚ АСПЕКТІЛЕРІ
DOI:
https://doi.org/10.26577/JAPJ2025113113Аннотация
Өндіріс процесінде адамнан жауап алудың әртүрлі әдістері бар, бірақ жауап алу заңда көрсетілген тәртіпке қайшы келмеуі керек. Құқық бұзушылық бойынша мүмкіндігінше толық және маңызды деректерді жинау және осы тергеу әрекетінің сапасын арттыру үшін жауап алу процесінде ең тиімді, ыңғайлы, психологиялық, криминалистикалық техникалық-тактикалық әдістер қолданылады. Мақалада жауап алудың тактикалық және психологиялық аспектілерін қолданудың өзекті мәселелері қарастырылады. Жауап алу тек тергеушілердің кәсіби білімінде ғана емес, сонымен қатар ойлаудың жаңа цифрлық және техникалық әдістерінің, логикалық әдістердің, тактикалық әдістердің, психология мен криминалистика негіздерінің тиімділігін үнемі жетілдіруден тұрады. Автор тергеу процесін жүргізу кезінде құқық бұзушылық туралы толық, жан-жақты, әрі объективті ақпаратты алу мақсатында заңсыз тергеу әрекеттері мен физикалық қысым, тараптардың басқада конституциялық құқық бұзушылық пен сыбайлас жемқорлық тәуекелдерінің алдын алу мақсатында тиімді нәтижеге қол жеткізуде Гезелл тыңшы-айнасы орнатылған мамандандырылған тергеу бөлмелерін пайдалану мен тактика-психологиялық әдістерін қолданудың пайдасы мен қажеттілігін көрсетеді. Сонымен қатар, мақалада кәмелетке толмағандарға қатысты істерді тергеудің қосымша тиімді психологиялық аспектілерін ұсынады. Мақала қылмыстық процесске қатысушы тұлғаларға пайдалы болуы мүмкін.
Түйін сөздер: Гезелл тыңшы-айнасы, мамандандырылған тергеу бөлмелері, психологиялық байланыс, тактика-психологиялық аспектілері, кәмелетке толмағандар.
